陈滢全裸上阵 起初有少少尴尬

2015-08-12 09:23:24  |  来源:趣明星

陈滢(Jeannie)以Model身份入行,已经做咗五年,平时除咗做model工作,一系就拍电影电视,人气急升,成为宅男女神,Jeannie一直以嚟畀观众嘅印象都系清纯同开朗,最近为咗突破自己,今年推出首本相集图像文学《半透明的舞孃》,希望大家对自己有深入了解。

陈滢今次相集去咗泰国曼谷拍摄,拍摄团队准备咗十几个造型,讲陈滢演一个芭蕾舞蹈员,不过,原来佢本身冇舞蹈底子,苦练咗两个月,跳爆咗几只脚甲,真系够晒阴公猪!

陈滢一向都有啲baby fat,今次被勒令减肥,加上拍剧时间日夜颠倒,令陈滢感到前所未有嘅压力,因而令到经期唔准,仲引致水肿,搞到陈滢好担心会影响拍摄,好在整个团队都好投入,到咗第三日拍摄,原本取材由湖里面嘅背景改为与仙人掌及一呎高山猫一齐拍摄,之但系摄影师同艺术总监感到之前嘅服装唔太合适,于是提出全裸拍摄。

Jeannie表示: 「我都谂左几分钟,但由于对大家嘅信任喺拍摄嘅过程已经建立起来,在清场嘅情况下我哋就开始咗,虽然系全女班,但起初都有少少尴尬,但系我知道如果我尴尬嘅话,大家会更加尴尬,所以就鼓起勇气去完成拍摄。」

问及相集入面有好多性感嘅场面,怕唔怕客户同埋屋企人接受唔到? 佢就话:「其实入行以来都好多谢各大广告商嘅喜爱,相信佢哋都明白艺人到一定嘅时候要有一啲改变,而我亦非常信任我公司的团队,佢哋系非常专业,所以相信我哋嚟紧嘅合作会更加愉快。至于,屋企人、爸爸妈妈一直都好信任我嘅决定,亦都知道我系一个深思熟虑嘅人,所以我知道佢哋如果睇到我本图像文学都会觉得很满意嘅!」

陈滢嗰本图像文学《半透明的舞孃》会喺今个月10号开始于各大HMV门市预购,首100名购买嘅人仲可以喺今个月21号嘅签名会中,得到由陈滢亲自挑选嘅神秘礼物。                                

陈滢大头…好清纯嘅样!

以Model身份入行五年!

影起上嚟,真系好专业!

开晒认真mode!

讲陈滢演一个芭蕾舞蹈员。

跳爆咗几只脚甲…惨惨呢!

有啲唯美feel!

相关星闻

星闻 内地 香港 台湾 韩国 日本 欧美 八卦 影视综艺 电影 电视剧 综艺